सिमलपानी जौवारीको आगलागी । फाइल तस्बिर
रुद्रमणि भुसाल
सिद्धारा, अर्घाखाँची । अर्घाखाँची जिल्लाको शितगंगा नगरपालिका वार्ड नं. ८ सिद्धाराको लामिदमारमा भिषण आगलागी भएको छ ।
आगलागीबाट यो समाचार तयार पार्दा सम्म ६ वटा घर, ७ वटा गोठ जलेर नष्ट भएका छन् भने एउटा गोरु, १२ वटा बाख्रा मरेका छन् ।
आगो निभाउनका लागि प्रहरी त्यसतर्फ पुगेको छ ।
निकै हावाहुरी लागेको र रातको समय भएकाले आगो निभाउन असजिलो भएको जिल्ला समन्वय समिति अर्घाखाँचीका उपप्रमुख ऋषी पुलामीले जानकारी दिए ।
बैशाख ८ गते, २०७५ मा प्रकाशित
