पहिलो प्रकासित मिती: बैशाख १०, २०७५
मृतक बिष्णु नेपाली
अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । भारतको हरियाणा राज्यको गुडगाँवमा रेलले टक्कर दिदाँ अर्घाखाँची जिल्लाको सन्धिखर्क नगरपालिका वार्ड नम्बर १३ धरमपानीका एक युवाको मृत्यु भएको छ ।
गुडगाँव जिल्ला न्यू -पालम विहार रूटमा चल्ने रेलबाट गत सोमबार साँझ ७:३० बजे कामबाट कोठामा फर्किदै गर्दा विपरीत दिशाबाट आएको रेलले टक्कर दिदाँ २३ वर्षीय विष्णु नेपालीको मृत्यु भएको हो ।
बिष्णु हाल भारतको गुड्गाँव स्थित न्यू-पालम विहारमा बस्दै आएका थिए । मृतक बिष्णु नेपालीकी श्रमती सुमित्रा नेपालीसँगै बस्दै आएकी थिईन् । साथै बाबु पनि गुड्गाँव छन् ।
रेलले एक्कसी ठक्कर दिदाँ विष्णु नेपालीको घटना स्थलमै मृत्यु भएको थियो । मृतक बिष्णुको शव पोस्टमार्टम गरी बुवाले अन्तिम दाससंस्कार गरेका थिए । दाससंस्कारमा नेपालीबासीहरुको उपस्थिती रहेको थियो ।
बिष्णुको परिवारको आर्थिक स्थिती कमजोर भएकोले प्रवासीे नेपाली जनसमाज भारत गुडगावाँ नगर समितिले सवैसँग सहयोगको अपिल गरेको थियो ।
बैशाख १५ गते, २०७५ मा प्रकाशित
