प्रेम खड्का
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको छत्रदेव गाउँपालिका वार्ड नम्बर ३ साजबोटकी बेपत्ता एक युवती फेला परेकी छिन् ।
ईलाका प्रहरी चौकी बल्कोटले आज आईताबार ईन्द्र कला कुमालकी १९ वर्षिया छोरी कमला कुमाललाई फेला पारी परिवारलाई जिम्मा दिएको हो । कमला बेपत्ता भएपछि आमा ईन्द्र कलाले प्रहरी चौकी बल्कोटमा उजुरी दिएका आधारमा पाल्पाको ईलाका प्रहरी कार्यालय अर्गेलीको समन्वयमा फेला परेको पारेको थियो ।
शारिरिक र मानसिक अपाङ्गता भएकी कमलाको गत जेठ १० गते हराइएकी बेपत्ता थिईन् ।
अर्घाखाँची जिल्लामा पछील्लो समय बेपत्ता हुने युवती महिलाको संख्या बढेको देखिन्छ । अर्घाखाँचीडट्कम
पालीमा बृद्धा फेला
जिल्ला प्रहरी कार्यालय अर्घाखाँचीले एक बृद्धालाई फेला पारी परिवारको जिम्मा लगाईदिएको छ ।
गुल्मी रुरु गाउँपालिका वडा नं. ४ बस्ने बर्ष ६५ की भुपि लुहारलाई सुर्योदय महिला वचत तथा ऋण सहकारी संस्थाबाट संचालित अल्पकालिन सहायता सेवा केन्द्रका प्रमुख सुन्तली श्रेष्ठको रोहवरमा आफ्नै सहोदर जेठाजुको छोरा जिल्ला गुल्मी रुरु गाउँपालीका वार्ड नं. ४ बस्ने बर्ष ५७ को विष्णु सुनारकी जिम्मा लगाईदिएको हो ।
पाणिनी गाउँपालिका वार्ड नं ८ मा प्रहरी चौकी पालीले बृद्धा भुपि लुहारलाई फेला पारेको थियो ।
जेष्ठ १३ गते, २०७५ मा प्रकाशित
