अपाङ्गता भएका ब्याक्तिहरुको दिगो विकास भत्ता र आरक्षण ले मात्रै गर्न सक्दैनःसरोकारवाला

गोपाल प्रसाद भट्टराई

सन्धिखर्क अर्घाखाँची (अर्घाखाँची डट्कम ) अपाङ्गता भएका ब्याक्तिहरुको दिगो विकास भत्ता र आरक्षण ले मात्रै गर्न नसक्ने एक कार्यक्रमका बक्ताहरुले बताएका छन् । सरकारी वा गैह्र सरकारी क्षेत्रले दिने सिमित भत्ता र केही प्रतिशत आरक्षणले अपाङ्गताको दिगो ब्यवस्थापन हुन नसक्ने भन्दै उहांहरुले दिगो ब्यवस्थापनको निम्ती अपाङ्गताको प्रकारगत तहको पहिचान गरि स्वरोजगारको अवसर दिनुपर्नेमा जोड दिनुभएको छ ।अपाङ्गता क्षेत्रको समृद्धिको निम्ती काम गर्ने संस्था विकलाङ्ग मित्र समुहको आयोजना र सन्धिखर्क नगरको समन्वयमा हिजो सन्धिखर्कमा सम्पन्न अपाङ्गता ब्यवस्थापन सम्बन्धि पांच बर्षे रणनितिक योजनाको मस्यौदा निर्माण कार्यक्रममा सुझाव दिने बक्ताहरुले यस्तो बताउनुभएको हो । आयोजक संस्थाको तर्फबाट बिषय बिशेषज्ञ कृष्ण प्रसाद भट्टराईको अध्यक्षता एवम् सहजीकरण,रक्षा पाण्डे के.सी.को स्वागत मन्तव्य र लेखनाथ पोख्रेलको संचालनमा सम्पन्न कार्यक्रममा सहभागिलाई चार समुहमा बिभाजन गरि मस्यौदा माथी सुझाव संकलन गरिएको छ ।