अर्घाखाँची उद्योग बाणिज्य संघको सातौं बार्षिक साधारणसभा तथा पाँचौ अधिवेशन शुरु (तस्बिर सहित)

पहिलो प्रकासित मिती: २०७५ जेष्ठ २६ शनिबार 

सन्धिखर्क, अर्घाखाँची। निजी क्षेत्रको योगदान विना राज्यले अघि सारेको समृद्धिको लक्ष्य पुरा हुन नसक्ने एक कार्यक्रमका वक्ताहरुले बताएका छन् । उनीहरुले नीजि क्षेत्रलाई पनि विकासको साझेदारको रुपमा लिनु पर्ने औंल्याए । सरकारले नीजि क्षेत्रसँग सहकार्य गरि मुलुककलाई समुन्तीको दिशामा अग्रसर बनाउनु पर्नेमा जोड दिए । उद्योग वाणिज्य संघ अर्घाखाँचीको सातौं वार्षिक साधरण सभा तथा पाचौं अधिवेशनको खुल्ला शत्रमा बोल्ने वक्ताहरुले नीजि क्षेत्रको योगदानको प्रशंसा समेत गरे ।

राष्ट्रियसभा सदस्य चन्द्र बहादुर खड्का (उज्जव)ले अहिलेको वजेटले नीजि क्षेत्रलाई उपेक्षा नगरेको भन्दै आगामी दिनमा अझै सम्वोधन गर्ने बताए । ‘सोँचे अनुरुपको सम्बोधन नभएको हुनसक्छ’ उनले भने, ‘आगामी वर्षको वजेटले बाँकी मागहरु सम्वोधन गर्नेछ ।’ उनले जिल्लामा उद्योग तथा व्यापारको क्षेत्रलाई विस्तारलाई व्यापक बनाउनु पर्नेमा जोड दिँदै आवश्यक सहयोग गर्न जनप्रतिनिधिहरु तयार रहेको बताए । ‘सडक सञ्जालका हिसावले पहाडी जिल्ला मध्ये अर्घाखाँची नमूना नै हो’ उनले भने, ‘सडकको विस्तारले उद्योग व्यवसाय क्षेत्रलाई निकै फाइदा पुग्ने गर्छ ।’ खड्काले राष्ट्रिय गौरभको सालझण्डी–सन्धिखर्क– ढोरपाटन सडकले जिल्लामा पर्यटन व्यवसायको विस्तारमा धेरै फाइदा पु-याउने बताए ।

प्रदेश सभा क्षेत्र नं. २ का सांसद रामजी प्रसाद घिमिरेले मूलकमा राजनीतिक लडाइको समाप्ति भएको बताउँदै अब सरकारले नीजि र सहकारी क्षेत्रको सहकार्यमा आर्थिक क्रान्ति सम्पन्न गर्ने बताए । उनले वर्तमान सरकारले सार्वजनिक गरेको वजेट अर्थतन्त्रलाई सन्तुलनमा राख्ने खालको भएको बताए । ‘विगतको सरकारले अर्थतन्त्रलाई असन्तुलित बनाएको थियो’ उनले भने, ‘महत्वकांक्षी वजेट ल्याउन नसक्नु सरकारको वाध्यता थियो ।’