अर्घाखाँचीडट्कम संवाददाता
ठाडा, अर्घाखाँची (अर्घाखाँचीडट्कम) । अर्घाखाँची जिल्लाको शितागंगा नगरपालिका वार्ड नम्बर १ सुबर्णखालका एक युवक मृत अवस्थामा फेला परेका छन् ।
सुबर्णखालको सब्दुका २२ वर्षिय बिक्की भन्ने चिराग रिजाल कपिलवस्तुको बोर्डगाउँ मधुबन स्थित आफ्ना काकाको घरमा झुण्डिएर अवस्थामा विहिबार फेला परेका हुन् । रिजाल केही दिने देखि मधुबन स्थित आफ्ना काकाको घरमा बस्दै आएका थिए ।
उता प्रहरीले अात्महत्या गरेको हुनसक्ने बताएको छ । साथै घटनाका सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
शितागंगामा घाँस काट्ने क्रममा ढुङ्गाले लागेर एक युबकको मृत्यु
यस्तै शितागंगा नगरपालिका वार्ड नम्बर ३ को झाजरा पझ्मेमा घाँस काट्ने क्रममा ढुङ्गाले लागेर एक युबकको मृत्यु भएको छ ।
झाजरा पझ्मेका रोम लाल अधिकारीको घाँस काटने क्रममा भिरबाट झरेको ढुङ्गाले लागेर घटनास्थलमा नै मृत्यु भएको हो । साथै घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।
आषाढ़ ३१ गते, २०७५ मा प्रकाशित
