प्रेम खड्का
सन्धिखर्क, अर्घाखाँची (अर्घाखाँचीडट्कम) । जिल्ला प्रहरी अर्घाखाँचीले विभिन्न समयमा हराएका मोवाईल फेला पारी मोवाईल धनीहरुलाई बुझाउदै आएको छ ।
प्रहरीले मोवाईल धनीहरुले हराएका मोवाईल खोजी गर्न सहयोग गर्दै आएको हो ।
यसैक्रमा भूमिकास्थान नगरपालिका साविक नुवाकोट वार्ड नं. ७ हाल सन्धिखर्कमा बस्ने सर्मिला के.सी.ले Huawei 5 मोडेलको हराएको मोबाईल फेला पारी बुझाएको छ ।
सर्मिलाले मोबाईल हराएको भन्दै जिल्ला प्रहरी कार्यालयमा निवेदन दिएकी थिईन् । प्रहरीले आज बुधवार उक्त मोबाईल फेला पारी सर्मिलाका श्रीमान किसान के.सी.लाई हस्तान्तरण गरेको थियो ।
श्रावण ९ गते, २०७५ मा प्रकाशित
