लक्ष्मण पौडेल
जुकेना, अर्घाखाँची श्रावण ११ । शितगंगा नगरपालिका वार्ड नं. ५ जुकेनाले वृद्ध वृद्धाहरुलाई कम्बल वितरणसँगै सम्मान गरेको छ । शितगंगा नगर कार्यपालिकाको सहयोगमा ८० वर्षभन्दा माथिका वृद्ध वृद्धाहरुलाई कम्बल वितरण गरेको हो ।
शितगंगा नगरपालिका वार्ड नं. ५ जुकेनाको वडा कार्यालयमा भएको एक कार्यक्रमका बीच वडाध्यक्ष कमल पौडेलले जुकेनाका ८० वर्षभन्दा माथीका झण्डै ६५ जना वृद्धवृद्धाहरुलाई उक्त सामाग्री वितरण गर्नुभएको हो ।
कम्बल वितरण गर्दै वडाध्यक्ष पौडेलले आगामी आर्थिक वर्ष २०७५/०७६ का लागि कृषि, स्वास्थ्य, सडक, खानेपानी लगायत विभिन्न सीपमुलक र आयआर्जनका तालिम, वृद्धवृद्धा, अपाङ्ग, असाय, गरिव घरपरिवारलाई सम्मान गर्ने गरि बजेट विनियोजन गरेको बताउनु भयो ।
सम्मान कार्यक्रम नगर कार्यपालिका सदस्य कमला बेल्वासे, वार्ड सदस्य खगिश्वर भुसाल, कार्यलय सहयोगी घनश्याम पौडेल, बुद्धिजीवि, समाजसेवी, स्थानीय लगायतको उपस्थिति रहेको थियो । कार्यक्रम वडाध्यक्ष कमल पौडेलको प्रमुख आतिथ्यता र वडा सचिव राम प्रसाद पौडेलको संचालनमा सम्पन्न भएको त्यहाबाट लक्ष्मण पौडेलले खवर पठाउनु भएको छ ।
श्रावण ११ गते, २०७५ मा प्रकाशित
