श्री आदर्श उच्च माध्यमिक विद्यालय खनदह ।
खन, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालीका वार्ड नं.- ३ मा रहेको श्री आदर्श उच्च माध्यमिक विद्यालय खनदह प्रदेश नं. ५ मा उत्कृष्ट विद्यालय छनोट भएको छ ।
सामाजिक विकास मन्त्रालयले प्रदेश ५ का १२ सामुदायिक विद्यालयलाई उत्कृष्ट छनोट गरेको छ । १२ वटा मध्ये अर्घाखाँचीको श्री आदर्श उच्च माध्यमिक विद्यालय खनदह उत्कृष्टमा छानिएको हो ।
जिल्ला शिक्षा समन्वय इकाइको सिफारिसमा मन्त्रालयको आन्तरिक मूल्यांकन समितिले श्री आदर्श उच्च माध्यमिक विद्यालय खनदहलाई उत्कृष्ट विद्यालय छनोट गरेको हो ।
प्रदेश ५ मा प्रत्येक जिल्लाबाट एक/एक विद्यालय छानिएको थियो । उत्कृष्ट विद्यालयका प्रधानाध्यापकलाई ८० हजार रुपैयाँ र प्रमाणपत्र प्रदान प्राप्त गरेका छन् ।
श्रावण ११ गते, २०७५ मा प्रकाशित
