रुसमा एक हेलिकोप्टर दुर्घटना हुँदा १८ जनाको मृत्यु भएको छ ।
रुसको क्रास्नोयार्स्क क्षेत्रमा भएको एमआई-८ हेलिकोप्टर दुर्घटनामा उनीहरुको मृत्यु भएको हो ।
अधिकारीहरुले हेलिकोप्टरमा १८ जना नै रहेको र ती सबैजनाको मृत्यु भएको जनाएका छन् ।
स्थानीय समयानुसार शनिबार बिहान १०.२० बजे हेलिकोप्टर दुर्घटनामा परेको त्यहाँका अधिकारीहरुले बताएका छन् ।
प्राविधिक गढबढी र चालकका कारण दुर्घटना भएको बताइएको छ ।
हेलिकोप्टर उडेर दुई किलोमिटर दूरी पार गरेपछि दुर्घटनामा परेको थियो ।
दुर्घटनामा परी मृत्यु भएकामध्ये १५ जना यात्री र अरु तीनजना चालकदलका सदस्य थिए । (एजेन्सी)
श्रावण १९ गते, २०७५ मा प्रकाशित
