श्रावण २१ गते, २०७५ मा प्रकाशित
रुकुम , नेपालको कान्छो जिल्ला रुकुम पूर्वमा नागरिकता बनाउनेहरु बढ्दै गएका छन् ।
साविकको रुकुम हाल रुकुम पश्चिम र रुकुम पूर्व गरी दुई जिल्लामा विभाजित छ । नयाँ जिल्ला कायम भएसँगै १० महिनाको अवधिभित्र रुकुम पूर्वमा ३ हजार ३ सय ६६ जनाले नागरिकता लिएका हुन् ।
जसमध्ये २ हजार ५ सय १४ जनाले नयाँ नागरिकता बनाएका छन् भने ८ सय ५२ जनाले प्रतिलिपी नागरिकता लिएको जिल्ला प्रशासन कार्यालय रुकुम पूर्वले जानकारी दिएको छ तीन स्थानीय तह सिस्ने, भूमे र पुथाउत्तरगंगा गाउँपालिका मिलेर नयाँ जिल्ला बनेको रुकुम पूर्वको जनसंख्या करिब ५७ हजार छ ।
हाल अस्थायी सदरमुकाम रुकुमकोटबाट सक्कल र प्रतिलिपी गरेर दिनहुँ ३० देखि ४० जनाले नागरिकता लिने गरेका छन् ।
तर राहदानीका विषयमा भने धेरैजसो सेवाग्राही काठमाडौं जाने भएकाले जिल्लामा राहदानी फाराम प्रमाणित मात्र गर्नुपरेको प्रमुख जिल्ला अधिकारी मित्रलाल शर्माले बताए ।
रुकुम पूर्वमा हाल अस्थायी सदरमुकाम रुकुमकोटबाट सरकारी कामकाज सञ्चालन भइरहेका छन् । इमेज खबरमा खबर छ
अन्य समाचारहरु
