प्रेम खड्का
चुत्राबेशी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ चुत्राबेशी बागी खोलाको किनाराको सार्वजनिक स्थान, बाटोमा उम्रेका गाँजा प्रहरीले शुक्रबार नष्ट गरेको छ ।
जिल्ला प्रहरी कार्यालय अर्घाखाँची र सामुदायिक प्रहरी सेवा केन्द्र अर्घाखाँचीको संयुक्त आयोजनामा प्रहरी नायब निरीक्षक अच्युत राज आचार्यको कमाण्डमा २० जनाको प्रहरी टोली, सामुदायिक प्रहरी सेवा केन्द्रका अध्यक्ष समेतको उपस्थितीमा चुत्रावेशी बागी खोलाको किनारामा रहेको आफै उम्रेको ५३० गाँजाका बोटहरु फडानी गरी नष्ट गरिएको हो ।
खाली जमिनमा गाँजा उम्रिएको र गाँजा खानेको संख्या पनि थपिन सक्ने भन्दै नस्ट गर्ने अभियान चलाएको प्रहरीले बताएको छ ।
प्रहरीले यहाँका विभिन्न ठाउँका जमिनमा उम्रिएको गाजा नष्ट गर्न थालेपछि स्थानीयबासीहरु पनि खुशी भएका छन् ।
श्रावण २५ गते, २०७५ मा प्रकाशित
