अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम ) । अर्घाखाँची जिल्लामा नेपाल कम्युनिष्ट पार्टी (नेकपा) को जिल्ला नेतृत्व पूर्व एमाले गर्ने भएको छ ।
सो सँगै अर्घाखाँचीमा नेकपाकाे नेतृत्व पिताम्बर भुसालले गर्ने भएका हुन् । यस्तै नेकपा ) को जिल्ला सचिवमा पुर्व माओवादी केन्द्रबाट तोज बहादुर रायमाझीलाई सिरारिस गरिएको छ ।
प्रदेश ५ अन्तर्गतका जिल्ला कमिटीहरूमा पूर्वएमाले र माओवादीको संख्यात्मक हिस्सा टुंगो लागे अनुसार अर्घाखाँचीमा पूर्व एमाले ५५ र माओवादी ४५ प्रतिशत हिस्सा रहने भएको छ ।
मालारानी गाउँपालिका ५ वांगीका भुसालको नेतृत्व जिल्ला कमिटीलाई छिट्टै टुंगो लगाइने बताइएको छ ।
उता प्रदेश ५ को पार्टी एकीकरण टुंगो लागे अनुसार २ सय ३ सदस्यीय प्रदेश कमिटीमा पूर्व एमालेका १ सय ६ र माओवादीका ९७ जना रहने छन् ।
श्रावण ३१ गते, २०७५ मा प्रकाशित
