अर्घाखाँचीकी कमला आचार्यको पहिलो तीज गीत “घिउ सँगाली राखे आमा” सार्वजनिक (भिडियोसहित)

सन्धिखर्क, अर्घाखाँची (अर्घाखाँचीडट्कम) । नेपाली हिन्दु नारीको महान पर्व नजिकिँदै गर्दा तीजका गीतको बजारमा आउने क्रम पनि बढिरहेको छ । यीनै तीज गीतको भिडमा अर्घाखाँची जिल्लाको सन्धिखर्क निवासी कमला आचार्यले पनि पहिलो तीज गीत “घिउ सँगाली राखे आमा” सार्वजनिक गरेकी छिन् ।

तीजका गीतमा विकृति बढीरहेका बेला उनिले भने गाउँघरका भाका संकलन गरी तीज गीत “घिउ सँगाली राखे आमा” तयार पारेकी हुन् ।

 

कमला आचार्यको स्वरका साथै शब्द संगीत रहेको यस गीतमा बिक्रम चौहानको निर्देशन तथा छायांकन प्रकाश खड्काको रहेको छ भने सम्पादन मिलन विश्वकर्माले गरेका हुन् । यस्तै टिका जैसीको निकै नै राम्रो अभिनय रहेको छ ।

तीज गीतको बजार व्यवस्थापन बिन्दवासिनी म्युजिकले गरेको छ । यस गीतमा अर्घाखाँची, सन्धिखर्कका विभिन्न बिषयलाई पनि समटेर बनाइएको छ ।

आफूले गाउँकै भाका संकलन गरेर तीज गीत तयार पारेको कमलाको भनाई छ । तीज हाम्रो परम्परा हो, हाम्रो संस्कार हो, त्यसैले तीजका लागि तीजकै विषय समेटेर गीत तयार पारेको छु, व्यापारका लागि त जस्तो गीत निकाले पनि हुन्छ, जहिले निकाले पनि हुन्छ’ कमला भन्छिन् ।

सन्धिखर्क साविक खाचिकोट -६ निवासी गायिका कमला गत स्थानिय निर्वाचनमा नेपाली कांग्रेसको तर्फबाट सन्धिखर्क नगरपालिकाको उपमेयर पदको लागि उम्मेदवारी पनि दिएकी थिईन् ।