अर्घाखाँचीडट्कम संवाददाता
टोकियो, जापान । अर्घाखाँची समाज जापानले जिल्लाका विशिष्ट व्यक्तिहरुलाई जापानको टोकियोमा सम्मान कार्यक्रम सम्पन्न गरेको छ ।
अर्घाखाँची समाज जापानले एक कार्यक्रमबीच ज़िल्लाका विशिष्ट व्यक्तिहरू सर्वोच्च अदालतका उप-सचिव अशोक क्षेत्री, संघीय मामिला तथा सामान्य प्रशासन मन्त्रालयका उप-सचिव लक्ष्मी पौड़ेल, नेपाल सरकारका शाखा अधिकृत रामाराम दाहाल र लोक गायिका सम्झना लामिछानेलाई सम्मान गरेको हो ।
साथै उक्त कार्यक्रममा बोल्दै समाजका अध्यक्ष नेत्र विष्टले देश र जनताको पक्षमा जापानमा सिकेको ज्ञानको सदुपयोग हुने विश्वास व्यक्त गरेका थिए । कार्यक्रममा समाजका उपाध्यक्षद्वय आर्यन टण्डन र कृष्ण केसीले खादा ओडाएर सम्मान गरेका थिए ।
कार्यक्रम अध्यक्ष विष्टको अध्यक्षतामा, उपाध्यक्ष दीपक थापाको स्वागत र समाजका महासचिव बाबुराम पौडेलको संचालनमा कार्यक्रम सम्पन्न भएको थियो ।
भाद्र २७ गते, २०७५ मा प्रकाशित
