१७ कात्तिक, २०७५
अर्घाखाँचीडट्कम संवाददाता
बुटवल । प्रहरीले बुटवलको बेलबास शान्तिचोकबाट ३७ किलोग्राम चरेस सहित अर्घाखाँची जिल्लाको पाणिनी गाउँपालिका ५ मैदानका ४० वर्षिय टिका बहादुर राष्कोटी सहित ३ जनालाई पक्राउ गरेको छ ।
सुचनाका आधारमा शनिबार इलाका प्रहरी कार्यालय बुटवलबाट खटिएको प्रहरी टोलीले ३७ किलोग्रम चरेस सहित ३ जनालाई पक्राउ गरेको हो । पक्राउ परेका तिनै जनालाई इलाका प्रहरी कार्यालय बुटवलमा राखिएको छ ।
टिका गत २०७४ सालको स्थानिय तहको निर्वाचनमा नेकपा एमालेबाट निर्वाचित वार्ड सदस्य हुन । यस्तै पक्राउ हुनेमा बाग्लुङ्ग जिल्लाका जनक घर्ती, कपिलवस्तु जिल्लाको बाडगंगाका नहारी थारु रहेका छन ।
पक्राउ परेकाहरुका सम्वन्धमा प्रहरीले बिस्तृत बिवरण दिएको छैन ।
कार्तिक १८ गते, २०७५ मा प्रकाशित
