पृथ्वी राजमार्गअन्तर्गत् तनहुँको व्यास नगरपालिका–१२, घाँसीकुवामा मंगलबार एक जिप दुर्घटना हुँदा दुईजनाको मृत्यु भएको छ । १२ जना घाइते छन् ।
छिर्कनबाट दमौलीतर्फ आउँदै गरेको ग१ज २९०७ नम्बरको जिप घाँसीकुवाको ओरालोमा टायर पड्किएर दुर्घटना भएको प्रहरीले जनाएको छ ।
मृत्यु हुनेमा बन्दीपुर गाउँपालिका–३ का ७५ वर्षीय बुद्धिबहादुर थापामगर र जिपचालक व्यास नगरपालिका–१४, केशवटारका ३५ वर्षीय विमल घर्ती छन् ।
घाइतेहरुको दमौली अस्पताल र रत्नहरि अस्पतालमा उपचार भइरहेको प्रहरीले जनाएको छ । इमेजखबरमा समाचार छ ।
फाल्गुन २१ गते, २०७५ मा प्रकाशित
