बैतडीमा आइतबार एक यात्रीवहाक जिप दुर्घटना हुँदा तीनजनाको घटनास्थलमै मृत्यु भएको छ ।
मृत्यु हुनेमा बैतडीको दशरथचन्द नगरपालिका–१०, बाराकोटका हिराबल्लभ भट्ट र सोही ठाउँका नरुली भट्ट छन् ।
मृतक एकजनाको भने सनाखत हुन बाँकी रहेको जिल्ला प्रहरी कार्यालय बैतडीले जनाएको छ ।
दुर्घटनामा चालकसहित तीनजना घाइते भएका छन् । घाइतेहरुको स्थानीय स्वास्थ्य संस्थामा उपचार भइरहेको छ ।
बैतडीको देहीमाडौंबाट नागार्जुनतिर जाँदै गरेको ग१ज ४९२१ नम्बरको जिप आइतबार बिहान साढे ११ बजेतिर दशरथचन्द नगरपालिका–११, नानीगाड भन्ने स्थानमा दुर्घटनामा परेको हो ।
जिप सडकबाट करिब १५० मिटर तल खसेको प्रहरीले जनाएको छ । दुर्घटनाको कारण खुलेको छैन ।
इमेजखबरमा समाचार छ ।
जेष्ठ ५ गते, २०७६ मा प्रकाशित
