हरि कुँवर
बाँगी, अर्घाखाँची (अर्घाखाँचीडट्कम) । कोरोना भाइरस (कोभिड–१९) को सङ्क्रमण न्यूनीकरण गर्न अर्घाखाँची जिल्लाको मालारानी गाउँपालिका वडा नम्बर पाँचको वडा कार्यालयले बाँगी स्वास्थ्य चौकीका स्वास्थ्यकर्मीहरुलाई सुरक्षाको लागी सात प्रति सुरक्षा सामाग्री (पीपीई) हस्तान्तरण गरेको छ ।
कोरोना भाइरस (कोभिड 19) ले विश्व आतंकित बनाइरहेको बेला नेपालमा पनि यसले प्रभाव पारिरहेको छ। सामान्य बिरामीहरुलाई औषधि उपचारमा समेत समस्या आएको छ। स्वास्थ्य कर्मीहरु पनि त्रसित छन ।यस अवस्थामा स्वास्थ्य कर्मीहरुलाई पनि सुरक्षा सामग्री आवस्यक पर्ने भएकोले यसलाई मध्यनजर गर्दै मालारानी गाउँपालिका वडा नम्बर पाँच को कार्यालयबाट बाँगी स्वास्थ्य चौकीका स्वास्थ्य कर्मीहरुलाई सुरक्षाको लागी सात प्रति सुरक्षा सामाग्री (पीपीइ) हस्तान्तरण गरिएको अध्यक्ष शोभाखर भुसालले बताउनु भयो ।
सुरक्षा सामाग्री (पीपीइ) (Personal Protective Equipment) भनेको सीर देखि पाईताला सम्म ढाकेर,कोरोना भाइरस ले सरीरको कुनै भागमा नभेट्ने गरी लगाउने बिशेष पहीरन हो । लगाउने र फुकाल्ने बिशेष तरिका हुन्छ र प्रयोग गरेपछी बिसर्जन गर्नु पर्छ । स्वास्थकर्मीहरू लगाएर ऊपचारमा संलग्न हुनु पर्ने हुन्छ ।
उता सरकारमाथि आर्थिक चुनौती थपिएको छ । कोरोना रोकथामका लागि स्रोत परिचालन गर्नुपर्ने भन्दै अर्थ मन्त्रालयले विभिन्न १४ शीर्षकका बजेट खर्च रोक्न सबै सरकारी कार्यलयहरुलाई परिपत्र गरेको बताइएको छ ।
मालारानी गाउँपालिका वार्ड नम्बर-५ को वडा कार्यालय को सकार्यमा बाँगीका महिला स्वास्थ्य स्व्यमसेविकाहरु ले गाउँ- गाउँ पुगी मार्क्स वितरण समेत गरेका थिए ।
कोरोना भाइरसले त्रसित बनाएको बेला नआतिदै लकडाउन को पालना गर्दै आ-आफ्नो घरमा सुरक्षीत रहि सरसफाइमा ध्यान दिनुहुन बाँगीबासी लाई अध्यक्ष शोभाखर भुसालले अनुरोध गर्नु भएको छ ।
चैत्र २१ गते, २०७६ मा प्रकाशित
