सुर्य भुसाल
छत्रदेव, अर्घाखाँची (अर्घाखाँचीडट्कम) । अर्घाखाँची जिल्लाको छत्रदेव गाउँपालिकाले एसईई परिक्षा दिने तैयारीमा रहेका बिधार्थीहरुलाई लक्षित गरि स्थानिय टेलिभिजनबाट ट्युसन कक्षा शुरु गरेको छ ।
कोरोना भाइरसका कारण लकडाउनले गर्दा माध्यमिक शिक्षा परीक्षा एसईई परिक्षा दिन नपाएका विद्यार्थीहरुलाई बैसाख १ गते देखि स्थानीय छत्रदेव टेलिभिजनबाट बेलुका ७ बजे देखी टिउसन कक्षा संचालन भएको गाउँपालिका अध्यक्ष लेखनाथ पोख्रेलले अर्घाखाँचीडट्कमलाई जानकारी दिनु भयो ।
परीक्षाको तयारी गरेर बसेका विद्यार्थीहरुले लकडान लामो अबधि भएकाले पढेका कुराहरु बिर्सन सक्ने भन्दै गाउँपालिकाले पुनर्ताजकीको लागी कक्षा संचालन गरेको गाउँपालिकाका प्रमुख प्रसाकिय अधिकृत खिमान्द भुसाले बताउनु भयो ।
गाउँपालिकाले सुरु गरेको सो अभियानमा सम्पुर्ण एसईई परीक्षा दिनको लागी तयारीमा रहेका विधार्थीलाई टेलिभिजनबाट प्रसारण हुने कार्यक्रममा हेरेर कक्षा लिन विधार्थीलाई आग्रह गरीएको अध्यक्ष लेखनाथ पोख्रेलको भनाइ छ ।
यो कक्षा अर्घाखाँचीमा पहिलोपटक छत्रदेव गाउँपालिकाले गर्न सुरु गरेकोले सहकार्य गर्नको लागी बिद्यार्थीका अभिवाकलाई सघाउन आग्रह गरीएको गाउँपालिका प्रमुख प्रशासकीय अधिकृत खिमानन्द भुसालको भनाइ छ । गाउँपालिकाले टेलिभिजनबाट ट्युसन कक्षा शुरु गरेपछि पालिकामा रहेका एसईई परिक्षा दिने विद्यार्थी अभिभावक हर्षित भएका छन ।
उता आज गाउँपालिका अध्यक्ष लेखनाथ पोख्रेलले अर्घाखाँचीडट्कममा फेसबूक लाईभ अन्तर्वाता समेत दिनुभएको थियो ।
बैशाख ४ गते, २०७७ मा प्रकाशित
