अर्घाखाँचीडट्कम संवाददाता
धारापानी, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर ४ धारापानीको कल्लेरी (खार्पानी)मा बारीमा जोत्ने क्रममा करेन्ट लागेर एक गोरु मरेको छ ।
धारापानीको कल्लेरी (खार्पानी)का बिस्णु भुसालले आफ्नै बारीमा सोमबार जोत्ने क्रममा बारीको छेउमा रहेको स्टिलको पोलबाट बिधुतिय करेन्ट प्रवाह हुन गई करेन्ट लागेर एक गोरु मरेको हो ।
गोरुले बारीमा जोदै गर्दा स्टिलको पोलमा छुन पुगेका थिए । साथै भुसाललाई करेन्टको सामान्य झड्का लागेको छ । करेन्ट प्रवाह भैरहेको नाङ्गो तारले पोल छोईरहेकोले पोलमा करेन्ट प्रवाह भएको कारणले उक्त घटना घटेको थियो ।
अर्घाखाँची जिल्लाभर बिधुत पोलहरुमा तारहरु छोईएका देखिन्छ । बिधुत प्राधिकरण अर्घाखाँचीले चरम लापरबाही गरेको देखिन्छ ।
बैशाख ३० गते, २०७७ मा प्रकाशित
