काठमाडौं । नेपालमा बिहीवार १७ जना थपिएपछि कोरोना संक्रमितको संख्या ४४४ पुगेको छ । बिहीवार झापा, धनकुटा र सुनसरी जिल्लामा थप १७ जनामा कोरोना संक्रमण पूष्टि भएको स्वास्थ्य तथा जन संख्या मन्त्रालयले बताएको छ ।
स्वास्थ्य तथा जनसंख्या मन्त्रालयका सहप्रवक्ता समिर कुमार अधिकारीका अनुसार कचनाकवल गाउँपालिका– ३, ६ र ८ मा १५ जनामा कोरोना भाइरस संक्रमण पूष्टि भएको छ । उनीहरु १८ वर्षदेखि ४६ वर्ष उमेर समूहका पुरुषहरु रहेका छन् ।
यसैगरी धनकुटा जिल्ला घर भएका ३४ वर्षीय पुरुष र सुनसरीको धरान उपमहानगरपालिका वस्ने ५१ वर्षीया महिलामा पनि कोराना पूष्टि भएको
प्रवक्ता अधिकारीले बताए ।
बीपी कोइराला स्वास्थ्य विज्ञान प्रतिष्ठान धरान र प्रादेशिक जनस्वास्थ्य प्रयोगशाला विराटनगरमा गरिएको परीक्षणमा १७ जनामा नयाँ संक्रमण पूष्टि भएको हो ।
उनीहरुको स्वास्थ्य हालसम्म सामान्य रहेको र सबै स्वास्थ्यकर्मीको सम्पर्कमा रहेको मन्त्रालयले बताएको छ । 
जेष्ठ ८ गते, २०७७ मा प्रकाशित
