1

बिज्ञापन –  विश्व समाचारका लागि न्यूयोर्क, लण्डन, मैड्रिड, ब्युनस आयर्सबाट एकै साथ प्रकाशित हुने अन्तरराष्ट्रिय दैनिकी www.timesofearth.com THE TIMES OF EARTH.

– उमाकान्त पाण्डे गाउले
अर्घाखाँची टाईम्स मध्यपुर्व प्रमुख प्रतिनिधि

लोक दोहोरी गिती एल्बम तातो हावा चल्छ सररको औपचारिक बिमोचन कार्यक्रम यूएईमा हुने भएको छ।यहीँ  शुक्रबार १९ तारिख दिनको २:०० बजे देखी बर दुबई स्थित एभरेष्ट ईन्टरनेश्नल होटेलको हलमा एक सास्कृतिक कार्यक्रम   सहित उक्त एल्बमको बिमोचन गर्न लागिएको हो।

कलाकार असीम महत र अर्का एक हस्ती धनेन्द्र मास्की राना मगरको सँयुक्त प्रस्तुती तातो हावा  चल्छ सरर… भित्र साईड ‘ए’ मा तातो हावा चल्छ सरर बोलको लोक दोहोरी गीत रहेकोछ भने साईड ‘वि’ मा ए! साईली आउन पिरती लाउन… ,साथै आसुँ सँगै बिष पिएसी… बोलको रमाईलो र भावनात्मक गीतहरु समाबेश छन्।

सारथी म्युजिक प्रालीले बजारमा ल्याएको यस  लोक दोहोरी एल्बममा बिमल राज क्षेत्री,राजु परिवार,खुमन अधिकारी,असीम महत,देवी घर्ती र लक्ष्मी परिवारको स्वर सुन्न सकिन्छ भने लय तथा शब्द सँकलन असीम महतको छ, साथै कमल सौराग र विवी अनुरागीको सँगित रहेकोछ। प्रवासीयका नेपालीहरुको कथा ब्यथामा आधारित उक्त एल्बमको भिसीडीमा यूएईको तातो र रातो बालुवाको द्रिश्यहरु पनि देख्न सकिन्छ- देख्दिन म फूलेका पालुवा जता हेर्योल बालुवा बालुवा जसता हिर्दयी स्पर्शी शब्दहरुले भरिएको उक्त एल्बममा प्रवाशी नेपालीको भूमिकामा धनेन्द्र मास्की राना मगर र श्रीमतीको भूमिकामा अञ्जु निरौलाले अभिनय गरेकी  छिन्।

छोटो छ पिरती र चिठ्ठी चपेटा नामको लोक दोहोरी एल्बम निकाली सकेका,युएईमा हुने बिभिन्न सास्कृतिक कार्यक्रमहरुमा आफ्नो बेग्लै प्रस्तुती पस्किदैं आएका, प्रवासी नेपालीहरु माझ प्रशिद्द कलाकार असीम महतको यो तेस्रो कोशेली  हो।

यूएईमा हुने प्राय सबै सास्कृतिक कार्यक्रम हरुमा कहिले संचालक,कहिले अतिथी गायक त कहिले स्थानिय कलाकार को रुपमा आफ्नो उपस्थिती जनाउने गायक अशिम महत गुमी पिपलधारा मा जन्मिएर बिगत केही बर्ष यता यूएईमा रहदै आएका छन । भेटघाटमा मिठास र सत्य बोल्ने गुण बोकेका महतले अर्घाखाँची टाईम्स का मध्यपुर्व प्रतिनिधि सँगको एक अनौपचारिक बार्तालापमा सबै भन्दा मनपर्ने स्थान र राम्रो साईनो जोडीएको गाउ भनेर अर्घाखाँचीको बल्कोट,छत्रगन्ज,लाई उल्लेख गरेका थिए ।  

कलाकार द्र्य असीम महत र धनेन्द्र मास्की राना मगरको आयोजनामा हुन  गईरहेको बिमोचन कार्यक्रममा प्रायोजकको रुपमा युनिटी लाईफ ईन्टरनेश्नल लिमीटेडको भात्री सँस्था युनीटी लाईफ स्मार्ट टीम यूएई रहने भएको छ।

आयोजकले तातो हावा चल्छ सरर निकाल्नमा यूएईमा रहेका बिभिन्न सँघ सस्था र शुभचिन्तक नेपाली महानुभावहरुको अहम भूमिका रहेको धारणा ब्यक्त गर्दै यूएईवाशी नेपाली दाजुभाई दिदीबहिनीहरुलाई निशुल्क प्रवेशको ब्यवस्था सहित उक्त दिनको बिमोचन कार्यक्रममा उपस्थितीको लागि अनुरोध गरेकोछ। सोही बिमोचन कार्यक्रममा प्रत्यक्ष लोक दोहोरी कार्यक्रम रहने जानकारी पनि प्राप्त भएकोछ।

सो बिमोचन कार्यक्रममा उपस्थितिका लागि अर्घाखाँची टाईम्स लाई एक पत्र दिईएको छ भने सोही पत्र मार्फत यूएईमा रहेका अर्घाखाँची बासी सम्पूर्ण लाई उपस्थित भई मनोरन्जन लिनका लागि अनुरोध गरिएको छ ।