अर्घाखाँचीडट्कम संवाददाता
नरपानी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ६ नरपानीबाट बेपत्ता एक महिला फेला परेकी छिन् ।
नरपानीकी २८ वर्षिया अविवाहित पुष्पा महत्रा गत साउन ३ गते शनिबार बिहान करिब ८ बजेदेखि बेपत्ता भएकी थिईन् । पुष्पालाई आज बिहीवार ११:१५ बजे चाक्ला बजारमा फेला पारीएको थियो । स्थानिय प्रकाश बस्नेतले फेला परेका थिए ।
सुस्त मनस्थिति व्यबहार देखाउने, आफ्नो घर ठेगाना भन्न नसक्ने, फिता चप्पल, कुर्ता र रातो सुरुवाल लगाएकी, कालो झोला बोकेकी पुष्पा दिदिको घर जान्छु भनेर हिंडेकी थिईन् ।
परिवारले अर्घाखाँचीडट्कमलाई जानकारी गराए अनुसार शनिबार बिहान पुष्पा नरपानी बजारसम्म पुगेपनि दिदिको घरमा पनि नगएको र त्यसपछि कहाँ गईन् थाहा हुन सकेको थिएन् ।
परिवारले खोजिदिन प्रहरी कार्यालय, सर्वसाधारण सबैलाई अनुरोध गरेको थिए ।
श्रावण ८ गते, २०७७ मा प्रकाशित
