अर्घाखाँचीडट्कम संवाददाता
असुरकोट, अर्घाखाँची । अर्घाखाँची जिल्ला भुमिकास्थान नगरपालिका वार्ड नम्बर-५ असुरकोटका एक युवाको हराएको १ वर्षपछि कङ्काल फेला परेको छ ।
असुरकोटका २१ बर्षिय सुशील आले मगरको खोजीका क्रममा हराएको १ वर्षपछि नुवाकोट स्थित बरबासको भिरमा घडी, ब्याग सहित कङ्काल फेला परेको हो । आले गत बर्ष भदौदेखि बेपत्ता भएका थिए । उनको तिब्र खोजिनिधी गर्दा पनि भेटिएका थिएनन् ।
प्रहरीले घटनास्थलमा पुगेर शव जाँच प्रकृति मुचुल्का उठाएको थियो। शव (कङ्काल)को पोष्टमार्टमका लागि जिल्ला अस्पताल सन्धिखर्क ल्याइएको छ।
श्रावण १९ गते, २०७७ मा प्रकाशित
