अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सदरमुकाम सन्धिखर्कमा बाँगी खाेलाका किनारामा रहेका एक घरमा बाढी पसेको छ ।
सन्धिखर्कको वसपार्कदेखि रतहले जाने ओरालाेबाटाेको बाँगी खाेला तर्फ किनारामा रहेका एक घरमा बाढी पसेको हो ।
भारी वर्षाकाे कारण नाली भरिन गई घर समेत डुवानमा परेकाे छ । बाढी पसेपछि एक परिवार विस्तापित हुने अवस्थामा पुगेका छन् ।
साउन १८ गते राति अविरल वर्षाका कारण उक्त घर जाेखिममा परेकाे छ । मानिस सुत्ने स्थिति छैन ।
पटक पटक वडाध्यक्ष युवराज बन्जाडेलाई फाेन गरि नाली सफा गर्न भनेपनि उनले नसुनेको परिवारको गुनासो छ ।
बाँगी खाेला किनारामा रहेका घरहरु वर्षायामको बेला जोखिममा पर्दै आएका देखिन्छ ।
श्रावण १९ गते, २०७७ मा प्रकाशित
