सन्तोष केसी
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटका गरिब तथा विपन्न घरपरिवारलाई राहत वितरण कार्यक्रम सम्पन्न भएको छ।
खाँचीकोटका १६ गरिब तथा विपन्न घरपरिवारलाई संयुक्त राज्य अमेरिका स्थित सन-फ्रान्सीसको क्यालिफोर्नियामा बसोबास गर्दै आउनु भएका दिपक भुसालले आफ्ना स्व. पिता झमानसिंह भुसालको संझनामा राहत सहयोग गर्नु भएको हो ।
उहाँले राहत स्वरुप प्रति परिवार ५० किलो चामल,२ किलो दाल,२ लिटर तेल, १ किलो नुन र १ प्याकेट सोयाविन झलकुमारी अधिकारी मार्फत वितरण गर्नुभएको हो।
साथै सहयोगी मनका धनी दिपक भुसालले आदर्श मा.बि. खाँचीमैदान र चन्द्रप्रभा माबि डिहिडाँडामा सञ्चालित क्वारेन्टीनको लागि नगद रु. १०००० का दरले जम्मा नगद रु.२०००० सहयोग गर्नुभएको छ।
श्रावण २४ गते, २०७७ मा प्रकाशित
