अर्घाखाँचीडट्कम संवाददाता
ढिकुरा, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर ९ ढिकुराको सानो डेभामा एक महिला मृत फेला परेकी छिन् ।
ढिकुरा सानो डेभाका हिमकडा रायमाझीकी सिद्धगुफा आधारभूत विद्यालयमा शिक्षिकाको रूपमा कार्यरत २५ वर्षिया सबिता रायमाझी घर नजिकको जंगलको रुखमा पासो लगाएको अवस्थामा मृत फेला परेकी हुन् ।
उनी शनिबार साँझ ५:३० बजेदेखि बेपता भएकी थिईन् ।
प्रहरीले आत्महत्या गरेको बताएको छ । साथै शब पोष्ट मार्टमका लागि जिल्ला अस्पताल अर्घाखाँचीमा लगिएको छ । मृतकको माइतीपक्षका आफन्तजन पोखराबाट नआउँदासम्म शव सोही स्थानमा यथावत राखिएको थियो ।
मृतक सबिताका श्रीमान् र २ छोरीहरु रहेका छन् । आत्महत्याको कारण खुल्न सकेको छैन् । घटनाको प्रहरीले अनुसन्धान भईरहेको बताएको छ ।
भाद्र ७ गते, २०७७ मा प्रकाशित
