काठमाडाैँ– नेपालमा पछिल्लो २४ घण्टामा थप ८८४ जनामा कोरोना भाइरसकाे संक्रमण पुष्टि भएको छ। यससँगै नेपालमा कोरोना संक्रमितको कुल संख्या ३७ हजार ३ सय ४० पुगेको छ।
स्वास्थ्य मन्त्रालयका अनुसार शनिबार ३१३ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या २० जार ५ सय ५५ पुगेको छ।
पछिल्लो २४ घण्टामा १० हजार ९ सय ७१ पीसीआर परीक्षण गरिएको स्वास्थ्य मन्त्रालयले जनाएको छ। हालसम्म ६ लाख ६९ हजार ६२६ पीसीआर परीक्षण भएको छ।
हाल सक्रिय संक्रमित १६ हजार ५ सय ७८ रहेकाे छ। क्वारेन्टिनमा ८ हजार ३५ जना रहेका छन्।
यस्तै काठमाडाैँ उपत्यकामा थप १८६ जनामा कोरोना पुष्टि भएको छ। काठमाडाैँमा १५५, भक्तपुरमा १२ र ललितपुरमा १९ जनामा कोरोना संक्रमण देखिएको स्वास्थ्य मन्त्रालयले जनाएको छ। देशसन्चारमा समाचार छ ।
भाद्र १३ गते, २०७७ मा प्रकाशित
