अर्घाखाँचीडट्कम संवाददाता
खनदह, अर्घाखाँची (अर्घाखाँचीडट्कम) । अर्घाखाँची जिल्ला मालारानी गाउँपालिका वार्ड नम्बर ३ खनदहमा भुकम्पको धक्काले एक घर पूर्ण रुपमा क्षति भएको छ ।
खनदहका कमल चौहानको घर आज बिहान गएको भुकम्प धक्काले पूर्ण रुपमा क्षति भएको हो ।
बुधबार बिहानै काठमाडौं उपत्यकासहित आसपासका क्षेत्रमा भूकम्पको ठूलो झड्का महशुस गरिएको छ। बिहान ५ बजेर १९ मिनेटतिर भूकम्प गएको हो। केहीबेरसम्म भूकम्प भइरहेपछि सर्वसाधारण घरबाट बाहिर निस्केका थिए।
भूकम्प मापन केन्द्रका प्रमुख लोकविजय अधिकारीका अनुसार सिन्धुपाल्चोकको राम्चे केन्द्रविन्दु बनाएर ६ म्याग्नेच्युडको भूकम्प गएको हो।
भूकम्पको धक्का अर्घाखाँची लगायत मकवानपुर, चितवन, स्याङ्जालगायत देशका अरू भागमा पनि महशुस गरिएको थियो।
भाद्र ३१ गते, २०७७ मा प्रकाशित
