अर्घाखाँचीडट्कम संवाददाता / भिडियो, फोटो: रामु पौडेल
सन्धिखर्क, अर्घाखाँची । अर्घाखाँची जिल्लाको सदरमुकाम सन्धिखर्कमा चिकित्सा शिक्षा सुधारका अभियान्ता डा. गोविन्द केसीको समर्थन प्रदर्शन भएको छ।
हामी स्वतन्त्र युबाहरुको आयोजनामा सन्धिखर्कको शन्ती बगैचामा चिकित्सा शिक्षा सुधारका अभियान्ता डा. गोविन्द केसीको समर्थन प्रदर्शन भएको हो ।
युबाहरुले सन्धिखर्क र चुत्राबेसी बजारका विभिन्न भागमा केसीको समर्थन प्रदर्शन गरेका थिए ।
१९ औँ पटकको सत्याग्रहमा बसेका डा. केसीको अनशनमा बसेको शनिबार १३ औँ दिन हो । युवाहरुले उनको सत्याग्रहको समर्थनमा सन्धिखर्कमा प्रदर्शन गरेका हुन् ।
१९ औं अनसनका क्रममा उनले पीसीआर परीक्षणको दायरा फराकिलो बनाउनु पर्ने, कर्णाली स्वास्थ्य विज्ञान प्रतिष्ठानमा एमबीबीएस पढाइ तुरुन्त सुरु गर्नु पर्ने लगायतका माग राखेका छन्।
आश्विन १० गते, २०७७ मा प्रकाशित
