अर्घाखाँचीडट्कम संवाददाता
नरपानी, अर्घाखाँची । अर्घाखाँची जिल्लाको सन्धिखर्क नगरपालिका वार्ड नम्बर ६ नरपानीका विपन्न परिवारलाई नायिका नन्दिता केसीले राहत सहयोग गरेकी छिन् ।
नरपानीका विपन्न ३५ घर परिवारलाई नायिका नन्दिता केसीले राहत सहयोग गरेकी हुन् । नायिका केसी सहित समाजसेवी मोहन बिक्रम केसी, समाजसेवी रामु थापाबाट नरपानीका विपन्न ३५ घर परिवारलाई चामल, दाल, नुन, तेल, साबुन लगायतका खाद्यान्न राहत सामग्री उपलब्ध गराइएको हो ।
राहत बितरण भिम बहादुर खत्री र चेतना खत्रीले गर्नुभएको थियो । यस्तै नरपानीका २ जना मृगौला रोगका बिरामी साबिक नरपानी-८ पोखेडाँडाका भेक बहादुर झाँक्रीका छोरा गोबिन्द झाँक्री र साबिक नरपानी-४ जगतका अमृता थापाको छोरा बसन्त थापाको लागि उपचारार्थ जनही रु ५,००० का दरले आर्थिक सहयोग गर्नुभएको छ।
विपन्न परिवारलाई रामु थापा, मोहन बिक्रम केसी, भिम बहादुर केसी, चेतना केसी, निरा केसी, बिष्णु भन्डारी, बाबुराम भन्डारी लगायतले सहयोग उपल्ब्ध र पहल गरेका थिए ।
२०७२ सालको भदौमा अमेरिकाको क्यालिफोर्निया राज्यको सनफ्रान्सिस्को सन जोसमा भएको फेस्टिबल अफ ग्लोबमा प्रस्तुति लागि गएकी नायिका नन्दिता केसी मातृभूमि फर्केकी छैनन् ।
आश्विन १४ गते, २०७७ मा प्रकाशित
