फाइल फोटो
अर्घाखाँचीडट्कम संवाददाता
डिहिडाँडा, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको श्री चन्द्रप्रभा माध्यमिक बिधालय डिहिडाँडामा जारी टोल – टोल पढाई बन्द भएको छ ।
खाँचीकोटको श्री चन्द्र प्रभा माध्यमिक बिधालय डिहिडाँडाले जारी गरेको सुचना अनुसार टोल – टोलमा जारी शिक्षण सिकाई प्रक्रिया कोरोनाको जोखिम बढेको भन्दै बन्द गरिएको हो ।
बिधालयले अन्लाईन क्लास भने यतावात जारी राख्ने बताएको छ ।
उता पछिल्लो समय सन्धिखर्क नगरपालिकामा संक्रमित संख्या बढेको छ । भने जिल्लाका शितगंगा नगरपालिका, मालारानी, छत्रदेव र पाणिनी गाउँपालिका कोरोना मुक्त भएका छन् । जहाँ संक्रमित संख्या शुन्य रहेको छ ।
आश्विन २२ गते, २०७७ मा प्रकाशित
