शितगंगामा ९ र सन्धिखर्कमा १ जना नयाँ कोरोना संक्रमित थपिए, अर्घाखाँचीमा संक्रमितको संख्या ५३४ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको शितगंगा नगरपालिकामा ९ जना र सन्धिखर्क नगरपालिकामा १ जना गरी १० जना नयाँ कोरोना संक्रमित थपिएका छन् ।

योसँगै अर्घाखाँची जिल्लामा बुधवारसम्म संक्रमितको संख्या ५३४ जना पुगेको छ । जसमा सन्धिखर्क नगरपालिकामा १८७ जना, शितगंगा नगरपालिकामा ९९,  भूमिकास्थान नगरपालिकामा १२६,  मालारानीमा ७५,  पाणिनी गाउँपालिकामा १९ र छत्रदेव गाउँपालिकामा २८ जना संक्रमित रहेका छन् ।     

 

जिल्लाका विभिन्न आईसोलेशनबाट बुधवारसम्म  ४०८ जनाले कोरोना जितेर घर फर्केका छन् ।  जसमा सन्धिखर्क नगरपालिकामा ९१   जना, शितगंगा नगरपालिकामा ७९,   भूमिकास्थान नगरपालिकामा १२३, मालारानीमा ७३, पाणिनी गाउँपालिकामा १४ र छत्रदेव गाउँपालिकामा २८ जनाले कोरोनालाई जितेका हुन् ।   

जिल्लामा अहिलेसम्म कोरोनाका कारण ५ जनाको निधन भएको छ । 

बुधवारसम्म जिल्लाका बिभिन्न स्थानका आईसोलेशनमा १२१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।