शितगंगामा आज १ जनाले कोरोना जिते, अर्घाखाँचीमा कोरोना मुक्त हुनेको व्यक्तिको संख्या ४०८ (सम्पूर्ण विवरण सहित)

अर्घाखाँचीडट्कम संवाददाता 

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको शितगंगा नगरपालिकामा बुधवार १ जनाले कोरोना जितेर घर फर्केका छन् ।

योसँगै जिल्लाका विभिन्न आईसोलेशनबाट अहिलेसम्म ४०८ जनाले कोरोना जितेर घर फर्केका छन् ।  जसमा सन्धिखर्क नगरपालिकामा ९१   जना, शितगंगा नगरपालिकामा ७९,   भूमिकास्थान नगरपालिकामा १२३, मालारानीमा ७३, पाणिनी गाउँपालिकामा १४ र छत्रदेव गाउँपालिकामा २८ जनाले कोरोनालाई जितेका हुन् ।    

यस्तै जिल्लामा आजसम्म संक्रमितको संख्या ५३४ जना पुगेको छ । जसमा सन्धिखर्क नगरपालिकामा १८७ जना, शितगंगा नगरपालिकामा ९९,  भूमिकास्थान नगरपालिकामा १२६,  मालारानीमा ७५,  पाणिनी गाउँपालिकामा १९ र छत्रदेव गाउँपालिकामा २८ जना संक्रमित रहेका छन् ।     

 

जिल्लामा अहिलेसम्म कोरोनाका कारण ५ जनाको निधन भएको छ । 

आजसम्म जिल्लाका बिभिन्न स्थानका आईसोलेशनमा १२१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।