पाणिनीमा ४ जना, शितगंगामा २ जना र मालारानीमा १ जनाले कोरोना जिते, अर्घाखाँचीमा कोरोना मुक्त हुनेको संख्या ४१८ (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको पाणिनी गाउँपालिकामा ४ जना, शितगंगा नगरपालिकामा २ जना र मालारानी गाउँपालिकामा १ जना गरी ७ जनाले कोरोना जितेका छन् । 

यो सँगै जिल्लाका विभिन्न आईसोलेशनबाट आजसम्म  ४१८ जनाले कोरोना जितेर घर फर्केका छन् ।  जसमा सन्धिखर्क नगरपालिकामा ९१   जना, शितगंगा नगरपालिकामा ८४,    भूमिकास्थान नगरपालिकामा १२३, मालारानीमा ७४, पाणिनी गाउँपालिकामा १८, र छत्रदेव गाउँपालिकामा २८ जनाले कोरोनालाई जितेका हुन् ।   

उता जिल्लामा शुक्रबारसम्म  संक्रमितको संख्या ५३५ जना पुगेको छ । जसमा सन्धिखर्क नगरपालिकामा १८७ जना, शितगंगा नगरपालिकामा ९९,  भूमिकास्थान नगरपालिकामा १२६,  मालारानीमा ७५,  पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।     

 

जिल्लामा अहिलेसम्म कोरोनाका कारण ६ जनाको निधन भएको छ । 

आजसम्म जिल्लाका बिभिन्न स्थानका आईसोलेशनमा १११ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।