अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । गएको २४ घण्टामा अर्घाखाँची जिल्लाको भूमिकास्थान नगरपालिकामा १ जना र मालारानीमा १ जना नयाँ कोरोना संक्रमित थपिएका छन् ।
योसँगै जिल्लाको यो सँगै जिल्लामा आजसम्म संक्रमितको संख्या ५७२ जना पुगेको छ । जसमा सन्धिखर्क नगरपालिकामा २२१ जना, शितगंगा नगरपालिकामा १००, भूमिकास्थान नगरपालिकामा १२७, मालारानीमा ७६, पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।
जिल्लाका विभिन्न आईसोलेशनबाट आजसम्म ४९६ जनाले कोरोना जितेर घर फर्केका छन् । जसमा सन्धिखर्क नगरपालिकामा १५८ जना, शितगंगा नगरपालिकामा ९३, भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ६ जनाको निधन भएको छ ।
शनिबारसम्म जिल्लाका बिभिन्न स्थानका आईसोलेशनमा ७० जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
कार्तिक १५ गते, २०७७ मा प्रकाशित
