शितगंगामा आज १ जनाले कोरोना जिते, अर्घाखाँचीमा कोरोना जित्नेको संख्या ५२३ पुग्यो, ७ जनाको निधन (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको शितगंगा नगरपालिकामा आज १ जनाले कोरोना जितेका छन्। यो सँगै जिल्लाका विभिन्न आईसोलेशनबाट आजसम्म  ५२३ जनाले कोरोना जितेर घर फर्केका छन् ।  

जसमा सन्धिखर्क नगरपालिकामा १८२,   जना, शितगंगा नगरपालिकामा ९६,   भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।   

यस्तै जिल्लाको सन्धिखर्कमा बुधवार थप १ जना नयाँ संक्रमित थपिएका छन् । योसँगै आजसम्म संक्रमितको संख्या ५९८ जना पुगेको छ । जसमा सन्धिखर्क नगरपालिकामा २४७ जना, शितगंगा नगरपालिकामा १००,   भूमिकास्थान नगरपालिकामा १२७,  मालारानीमा ७६,  पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।     

 

जिल्लामा अहिलेसम्म कोरोनाका कारण ७ जनाको निधन भएको छ । 

बुधवारसम्म जिल्लाका बिभिन्न स्थानका आईसोलेशनमा ६८ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।