अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा गत कार्त्तिक १५ गते शनिवारदेखि आजसम्म २७ जना कोरोना संक्रमित थपिएका छन् । अगाडि हप्ताको तुलनामा यो हप्ता संक्रमितको संख्या बढेको हो ।
गत शनिबारसम्म संक्रमितको संख्या ५७२ जना थियो । यो हप्ता संक्रमितको संख्या ५९९ जना पुगेको छ । जसमा सन्धिखर्क नगरपालिकामा २४८ जना, शितगंगा नगरपालिकामा १००, भूमिकास्थान नगरपालिकामा १२७, मालारानीमा ७६, पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।
यस्तै जिल्लामा गत कार्त्तिक १५ गते शनिवारदेखि आजसम्म २७ जनाले नै कोरोना जितेका छन् । गत शनिबारसम्म ४९६ जनाले कोरोना जितेका थिए ।
यो हप्ता जिल्लाका विभिन्न आईसोलेशनबाट कोरोना जितेर घर फर्केनेको संख्या ५२३ जना पुगेको छ । जसमा सन्धिखर्क नगरपालिकामा १८२, जना, शितगंगा नगरपालिकामा ९६, भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ७ जनाको निधन भएको छ ।
शनिबारसम्म जिल्लाका बिभिन्न स्थानका आईसोलेशनमा ६९ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
कार्तिक २२ गते, २०७७ मा प्रकाशित
