अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालीका वार्ड ७ खाँचीकोटको सुपादेउराली मन्दिर सडकमा प्रहरीले सर्बसाधरणहरुलाई सडकमा नै जम्मा गरी ट्राफिक नियम सम्बन्धि प्रशिक्षण दिएको छ ।
अस्थाई ट्राफिक प्रहरी पोष्ट नरपानी बाट खटिएको संयुक्त ट्राफिक चेकिङ टोलीले गोरुसिङ्गे–सन्धिखर्क सडक अन्तरगत सुपादेउरालीमा २५ जना सर्बसाधरण हरुलाई सकमै जम्मा गरी सडक प्रयोग गर्दा ध्यान दिनु पर्ने कुराहरु, सवारी साधन चलाउदा र यात्रा गर्दा अपनाउनु पर्ने शाब्धानि तथा अन्य ट्राफिक नियम सम्बन्धि प्रशिक्षण दिएको हो ।
प्रहरीले प्रशिक्षणका साथै बिभिन्न ट्राफिक जनचेतनामुलक सन्देशहरु लेखिएका पर्चा पम्लेट समेत बितरण गरेको थियो ।
कार्तिक २२ गते, २०७७ मा प्रकाशित
