आज सन्धिखर्कमा ३२, शितगंगामा २ जनाले कोरोना जिते, अर्घाखाँचीमा आईतबारसम्म कोरोना जित्नेको संख्या ५५७ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची  जिल्लाको सन्धिखर्कमा ३२ जना, शितगंगामा २ जना गरी आज ३४ जनाले कोरोना जितेका छन् । यो सँगै जिल्लाका विभिन्न आईसोलेशनबाट आजसम्म  ५५७ जनाले कोरोना जितेर घर फर्केका छन् ।  जसमा सन्धिखर्क नगरपालिकामा २१४  जना, शितगंगा नगरपालिकामा ९८,   भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।   

यस्तै जिल्लामा आजसम्म संक्रमितको संख्या ६०२ जना पुगेको छ । जसमा सन्धिखर्क नगरपालिकामा २५१ जना, शितगंगा नगरपालिकामा १००,   भूमिकास्थान नगरपालिकामा १२७,  मालारानीमा ७६,  पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।     

जिल्लामा अहिलेसम्म कोरोनाका कारण ७ जनाको निधन भएको छ । 

आईतबारसम्म जिल्लाका बिभिन्न स्थानका आईसोलेशनमा ३८ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।