श्याम पोख्रेल
बुटवल । अखिल नेपाल किसान महासंघले प्रधानमन्त्रीलाई ज्ञापना पत्र बुझाएको छ । महासंघले देशभरका जिल्ला प्रशासन कार्यालयका प्रमुख जिल्ला अधिकारीमार्फत प्रधानमनत्रीलाई ज्ञापन पत्र बझाएको हो ।
अखिल नेपाल किसान महासंघ रुपन्देहीले पनि रुपन्देहीका प्रमुख जिल्ला अधिकारमार्फत प्रधानमनत्री केपी शर्मा ओलीलाई ज्ञापनपत्र बुझाएको हो । महासंघका रुपन्देही अध्यक्ष गणेश गौतम, केन्द्रीय सदस्य रुकबहादुर पराजुली र राष्ट्रिय जनमोर्चा सिद्वार्थनगरका अध्यक्ष नेत्र आचार्यको नेतृत्वको टोलिले सरकारलाई आठ बुंदे ज्ञापन पत्र बुझाएको हो ।
गहुं लगाउनुभन्दा पहिले मल र बिउको आपूर्ति तुरुन्त व्यवस्था गर्नु पर्ने, सिंचाइ र सिंचाइलाई चाहिने विद्युतको सहुलियत शतप्रतिशत अनुदान हुनुपर्ने, धानको समर्थन मूल्यभन्दा कममा किसानहरूले धान विक्री गर्नु परिरहेकाले धानको समर्थन मूल्य तुरुन्त लागु गरिनुपर्ने, कृषि उत्पादनमा भइरहेको बिचौलिया प्रणाली बन्द गरी किसानको उत्पादित कृषि उपजलाई राज्यले खरिदको व्यवस्था गर्नुपर्ने, कोरोना उपचार सरकारले नै गर्नुपर्ने अदालतको फैसला तुरुन्त कार्यान्वयन गर्नुपर्ने, कोरोनाले प्रभावले समस्यामा परेका किसानलाई तुरुन्तै राहात र पुनस्र्थापनाको व्यवस्था गरिनुपर्ने, महंगीलाई पूर्ण नियन्त्रण गरी भ्रष्टाचार तुरुन्त बन्द गरिनु पर्ने लगायतका मागसहित अखिल नेपाल सकसान महासंघले ज्ञापन पत्र बुझाएको हो ।
ज्ञापन पत्र बुझाउनु अघि जिल्ला प्रशासन कार्यालय रुपन्देही अगाडी कोणसभा गरिएको थियो । अलिख नेपाल किसान महासंघका केन्द्रीय सदस्य रुकबहादुर पराजुली, महासंघका रुपन्देही अध्यष गणेश गौतम, राष्ट्रिय जनमोर्चा सिद्वार्थनगरका अध्यक्ष नत्र आचार्य, नेकपा मसाल रुपन्देही प्रवक्ता नारायण जीसी, जयश्वर रेग्मी लगायतले बोल्दै किसानका समस्याप्रति सरकार गम्भीर नहुंदा किसानहरु समस्यामा परेको भन्दै सरकारको आलोतना गर्नुभयो ।
कार्तिक २७ गते, २०७७ मा प्रकाशित
