अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा शनिबार ३ जना नयाँ संक्रमित थपिएका छन् । यो सँगै जिल्लामा आजसम्म संक्रमितको संख्या ६२८ जना पुगेको छ । जसमा सन्धिखर्क नगरपालिकामा २७७ जना, शितगंगा नगरपालिकामा १००, भूमिकास्थान नगरपालिकामा १२७, मालारानीमा ७६, पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।
जिल्लाका विभिन्न आईसोलेशनबाट आजसम्म ५६४ जनाले कोरोना जितेर घर फर्केका छन् । जसमा सन्धिखर्क नगरपालिकामा २२० जना, शितगंगा नगरपालिकामा ९८, भूमिकास्थान नगरपालिकामा १२४, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ९ जनाको निधन भएको छ ।
शनिबारसम्म जिल्लाका बिभिन्न स्थानका आईसोलेशनमा ५५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर ६ गते, २०७७ मा प्रकाशित
