अर्घा भगवती मन्दिरका लागि मुर्ति निर्माण गरिने

अर्घा भगवति मन्दिरमा ऐतिहासिक मुर्ति निर्माण गर्ने लगायतका विषयमा आईतवार काठमाण्डौमा वृहत छलफल भएको छ ।

प्रतिनिधि सभा सदस्य तथा पुर्व उपप्रधानमन्त्री एवं उर्जामन्त्री टोप बहादुर रायमाझी लगायत जनप्रतिनिधि, कर्मचारीहरुको उपस्थितिमा जिल्लामा रहेका ऐतिहासिक धार्मिक मठमन्दिरको प्रचारप्रसार लगायत विभिन्न विषयमा काठमाण्डौमा छलफल भएको हो ।

छलफल कार्यक्रममा सन्धिखर्क नगरपालिकाका नगर प्रमुख कमल प्रसाद भुसाल, उपप्रमुख ठाकुर कुमार बिक, प्रमुख प्रशासकिय अधिकृत कृस्ण प्रसाद सापकोटा, सन्धिखर्क नगरपालिका वडा नम्बर ९ का अध्यक्ष देब बहादुर रायमाझी, अर्घा भगवति मन्दिर व्यवस्थापन समितिका अध्यक्ष सरोज भुसाल, प्राविधिक हरि बोहोरा, नारायण पोख्रेल, युवा व्यवसायी उदय भट्टराई लगायतको उपस्थिति रहेको थियो ।

जिल्लामा ऐतिहासिक सुपा देउराली मन्दिर, अर्घा भगवति मन्दिर, पाणिनी तपोभुमि, मालारानी मन्दिर, मथुराबेसी मन्दिर, बराहदह लगायतका धेरै धार्मिक मठमन्दिरहरु रहेका छन् । यी धार्मिक मठमन्दिरहरुलाई व्यवस्थित र प्रचारप्रसार गर्नसकेमा आन्तरिक तथा बाह्य पर्यटकहरु भित्राउन सकिन्छ ।