अर्घाखाँचीडट्कम संवाददाता
सिद्धारा, अर्घाखाँची (अर्घाखाँचीडट्कम) । अर्घाखाँची जिल्लाकाे शितगंगा नगरपालिका वडा ९ सिद्धाराकाे लाैरीमा रहेकाे शंकरज्याेती आधारभूत विद्यालयकाे ४ काेठे भवन आज एक कार्यक्रमका बीच जिल्ला समन्वय समिति उपप्रमुख रिषिबहादुर पुलामीले शिलान्यास गर्नु भएको छ ।
शिलान्यास गर्दै पुलामीले भवन निर्माणले शैक्षिक गतिविधि सञ्चालन गर्न सहयोग पुग्ने बताउँदै शिक्षाको गुणस्तर वृद्धि गर्न शिक्षक, अभिभावक, विद्यालय व्यवस्थापन समिति सबै आ- आफ्नाे ठाउँबाट लाग्नुपर्ने बताउनुभयाे ।
दुर्गम गाउँमा अवस्थित स्कुल भवन निर्माणकाे लागि भूकम्प प्राधिकरणकाे आर्थिक सहयोगमा बन्न लागेको हाे ।
शिलान्यास कार्यक्रममम सितगंगा नगरपालिका वडा ९ का अध्यक्ष भीम केसी, नेपाल मगर संघ लुम्बिनी प्रदेशका सहकाेषाध्यक्ष कृष्ण सारू मगर लगायतले भवन निर्माणपछि पढन पाठनकाे लागि धेरै सुविधा हुने बताउनुभएकाे छ ।
मंसिर ८ गते, २०७७ मा प्रकाशित
