काठमाडौँ – संघीय गणतन्त्रात्मक व्यवस्था खारेज गरि संवैधानिक राजसंस्था र हिन्दू अधिराज्यको मागसहित काठमाडौँको माइतीघर मण्डलामा प्रदर्शन भएको छ ।
‘राष्ट्रवादी’ हरुको समूहले संघीय गणतन्त्रात्मक व्यवस्थाले राष्ट्रिय अर्थतन्त्र र राष्ट्रिय अखण्डता कमजोर बनाएको भन्दै ‘राष्ट्र निर्माता शाहवंशीय संवैधानिक राजसंस्था र सनातन धार्मिक अधिराज्य’को माग गरी प्रदर्शन गरेका हुन् ।
राष्ट्रिय झण्डासहित उनीहरुले ‘हाम्रो राजा हाम्रो देश– प्राणभन्दा प्यारो छ, ‘दल भन्दा देश ठूलो हो, दलीय झण्डा छोडेर देशको झण्डा बोकौँ’ भन्नेसहितका नारा लेखिएका प्लेकार्ड बोकेका थिए ।
प्रदर्शनका सहभागीहरु माइतीघरबाट नयाँ बानेश्वरसम्म गएका थिए । पछिल्ला दिनहरुमा देशका विभिन्न स्थानमा यसखालका प्रदर्शन लगातार हुँदै आएका छन् । देशसन्चारमा समाचार छ
मंसिर १५ गते, २०७७ मा प्रकाशित
