सन्धिखर्कमा २ जना नयाँ कोरोना संक्रमित थपिए, अर्घाखाँचीमा आजसम्म संक्रमितको संख्या ६४९ जना पुग्यो, ३१ जना सक्रिय संक्रमितहरु (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको सन्धिखर्कमा २ जना नयाँ कोरोना संक्रमित थपिएका छन् । यो सँगै जिल्लामा आजसम्म संक्रमितको संख्या ६५१ जना पुगेको छ । जसमा सन्धिखर्क नगरपालिकामा २९३ जना, शितगंगा नगरपालिकामा १०३,   भूमिकास्थान नगरपालिकामा १२७,  मालारानीमा ७७,  पाणिनी गाउँपालिकामा २१ र छत्रदेव गाउँपालिकामा ३० जना संक्रमित रहेका छन् ।   

यस्तै  जिल्लाबाट आजसम्म  ६१० जनाले कोरोना जितेर घर फर्केका छन् ।  जसमा सन्धिखर्क नगरपालिकामा २६५  जना, शितगंगा नगरपालिकामा ९८,   भूमिकास्थान नगरपालिकामा १२५, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।

   

जिल्लामा अहिलेसम्म कोरोनाका कारण १० जनाको निधन भएको छ । 

सोमबारसम्म जिल्लाका बिभिन्न स्थानका आईसोलेशनमा ३१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।