अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा आज १५ जना नयाँ कोरोना संक्रमित थपिएका छन् ।
योसँगै जिल्लामा आजसम्म संक्रमितको संख्या ६८२ जना पुगेको छ । जसमा सन्धिखर्क नगरपालिकामा ३२२ जना, शितगंगा नगरपालिकामा १०३, भूमिकास्थान नगरपालिकामा १२८, मालारानीमा ७८, पाणिनी गाउँपालिकामा २१ र छत्रदेव गाउँपालिकामा ३० जना संक्रमित रहेका छन् ।
यस्तै सन्धिखर्कमा आज ९ जनाले कोरोना जितेका छन् । योसँगै जिल्लाबाट आजसम्म ६१९ जनाले कोरोना जितेर घर फर्केका छन् । जसमा सन्धिखर्क नगरपालिकामा २७४ जना, शितगंगा नगरपालिकामा ९८, भूमिकास्थान नगरपालिकामा १२५, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा योसँगै कोरोनाका कारण ११ जनाको निधन भएको छ ।
आईतबारसम्म जिल्लाका बिभिन्न स्थानका आईसोलेशनमा ५२ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर २१ गते, २०७७ मा प्रकाशित
