अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा आज ६ जना र छत्रदेवमा ३ जना नयाँ कोरोना संक्रमित थपिएका छन् ।
यो सँगै जिल्लामा आजसम्म संक्रमितको संख्या ६९२ जना पुगेको छ । जसमा सन्धिखर्क नगरपालिकामा ३२८ जना, शितगंगा नगरपालिकामा १०३, भूमिकास्थान नगरपालिकामा १२९, मालारानीमा ७८, पाणिनी गाउँपालिकामा २१ र छत्रदेव गाउँपालिकामा ३३ जना संक्रमित रहेका छन् ।
यस्तै जिल्लाबाट आजसम्म ६२२ जनाले कोरोना जितेर घर फर्केका छन् । जसमा सन्धिखर्क नगरपालिकामा २७४ जना, शितगंगा नगरपालिकामा १०१, भूमिकास्थान नगरपालिकामा १२५, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा योसँगै कोरोनाका कारण १२ जनाको निधन भएको छ ।
बिहीवार जिल्लाका बिभिन्न स्थानका आईसोलेशनमा ५८ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर २५ गते, २०७७ मा प्रकाशित
