दिपेन्द्र पौडेल /अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाको अउलाखोलामा बनाइएको डम्पिङ साइडमा माटो थुपार्दा पर्खाल भत्किएर फोहोर ब्यवस्थापनमा समस्या बन्दै आएको छ ।
नगरपालिकाको लापरवाहीले डम्पिङ साइड जीर्ण बन्दै गएको र त्यो माथि माटो थुपार्दा पर्खाल भत्किएको हो ।
सन्धिखर्क बजारमा सहि डम्पिङ साईड नहुँदा फोहोर ब्यवस्थापनमा समस्या बन्दै आएको छ । उता डम्पिङ साइड ब्यवस्थित नहुँदा अउलाखोला क्षेत्र दुर्गन्धित भएको पनि देखिन्छ । यात्रु ओहोरदोहोर गर्दा दुगन्धले गर्दा नाक छोपेर हिडन् बाध्य छन् ।
समयमै मर्मत नहुँदा दिनानुदिन अउलाखोलामा बनाइएको डम्पिङ साइड जीर्ण बन्दै गएको छ ।
मंसिर २५ गते, २०७७ मा प्रकाशित
